Navella Yachakare - jc kavana

 ನಾವೆಲ್ಲಾ ಯಾಚಕರೆ

ಭೂಮಿಯಲ್ಲಿ ಧನಿಕ ಬಡವ

ಇರುವರೆಂಬುದು ನಿಜದ ಮಾತು

ಹಣವು ಒಂದೇ ಎಲ್ಲ ಅಲ್ಲ

ಎಂಬ ಮಾತು ಸತ್ಯವು

-

ನಾನು ಬಡವ ಎಂಬ ಚಿಂತೆ

ನಿನಗೆ ಏಕೆ ಬಂತೊ ಮರುಳೆ
ಕೊರಗಿ ಕೊರಗಿ ಮರುಗ ಬೇಡ

ನಡೆಸು ಒಳ್ಳೆಯ ಜೀವನ

ಎಲ್ಲ ನಿನ್ನ ಕೈಲೆ ಉಂಟು

ತಿಳಿದುಕೋ ಓ ಮನುಜನೇ

-

ಧನಿಕನೆಂಬ ಜಂಬವೇಕೆ

ಎಲ್ಲ ನಾನೆ ಅಹಂ ಏಕೆ

ಕ್ಷಣಿಕ ಮಾತ್ರ ಈ ಭ್ರಮೆ

ಅರಿತು ನಡೆಯೋ ಮಂಕನೇ

ಜಗದ ಒಡೆಯನ ಮುಂದೆ ನಾವು

ಅಲ್ಪ ಭಿಕ್ಷುಕರಲ್ಲವೇ

-

-ಜಗದೀಶ ಚಂದ್ರ -