ಆಂತರ್ಯದಕಾಂತಿ

 

ಆಂತರ್ಯದಕಾಂತಿ

 

ರತ್ನಹಾರ ಕೊರಳಿಗೇರಿ ಚೆಲುವ ತಂದಿದೆ 

ಕೊರಳಿನಿಂದ ಮಧುರ ವಾಣಿ ಇಂಪ ತಂದಿದೆ 

ಕೊರಳಿನಿಂದ ಮಧುರ ವಾಣಿ ಇಂಪ ತಂದಿದೆ //ರತ್ನ//

ಬಳೆಯು ಚಿನ್ನವಾಗಿ ಕೈಗೆ ಸೊಬಗ ನೀಡಿದೆ 

ಕೈಯ ಮುದ್ದು ಬರೆಹ ಪುಟವ ಚಿನ್ನಮಾಡಿದೆ 

ಸಹಾಯ ಹಸ್ತ ಕರಗಳಿಗೆ ಕಡಗ ತೊಡಿಸಿದೆ  

ಸಹಾಯ ಹಸ್ತ ಕರಗಳಿಗೆ ಕಡಗ ತೊಡಿಸಿದೆ  //ರತ್ನ//

 

ಮೈ ಸುಗಂಧ ಕಂಪ ಚೆಲ್ಲಿ ಹಿತವ ತಂದಿದೆ 

ವಿನಯವೇ ಸುಗಂಧವಾಗಿ ಮೇರೆ ಮೀರಿದೆ 

ವಿದ್ಯೆ ಶೃಂಗಾರವಾಗಿ ಶೋಭೆ ತಂದಿದೆ 

ವಿದ್ಯೆ ಶೃಂಗಾರವಾಗಿ ಶೋಭೆ ತಂದಿದೆ  //ರತ್ನ//

ಚಿನ್ನ ರತ್ನ ಹೂ ಸುಗಂಧ ಬಾಹ್ಯ ಬೆಳಗಿದೆ 

ಸುಜನ ಸಂಗ  ವಿದ್ಯೆ ವಿನಯ ಆಂತರ್ಯ ಬೆಳಗಿ 

ಮನಕೆ ಶಾಂತಿ ನೀಡಿ  ಸುಗುಣ ಕಾಂತಿ ಚಿಮ್ಮಿದೆ 

ಜಗದ ಒಡೆಯನಭಯ ಹಸ್ತ ಹಿಂದೆ ಅಡಗಿದೆ  //ರತ್ನ//