ಇಂದಿನ ಅಡುಗೆ - ಜಗದೀಶ ಚಂದ್ರ ಬಿ ಎಸ್

ಕರೋನ ರಜೆಯಲ್ಲಿ ಎರಡನೇ ಮನೆಯಲ್ಲಿನ ಸಲ್ಲಾಪ

ಇಂದಿನ ಅಡುಗೆ

ಗಂಡ - ಲೇ, ಇವತ್ತು ಏನು ಅಡಿಗೆ ಮಾಡ್ತಾ ಇದಿಯೇ?
ಹೆಂಡತಿ - ನೀವು ಹೇಗೆ ಹೇಳಿದರೆ ಹಾಗೆ
ಗಂ – ಅನ್ನ, ಹುಳಿ?
ಹೆಂ - ದೀನಾ ಇನ್ನೇನು ಮಾಡೋದು, ತಿಂದು ತಿಂದು ಬೇಜಾರು
ಗಂ – ರೊಟ್ಟಿ, ಪಲ್ಯ?
ಹೆಂ – ರೀ ಅದನ್ನು ಮಕ್ಕಳು ಎಲ್ಲಿ ತಿಂತಾರೆ?
ಗA - ಪೂರಿ, ಸಾಗು?
ಹೆಂ – ಅಬ್ಬಬ್ಬಾ, ಅದು ಹೊಟ್ಟೆ ಭಾರ ಆಗುತ್ತೆ ರೀ, ಕರಿಯಕ್ಕೆ ಎಣ್ಣೆ ಬೇರೆ ಇಲ್ಲ.
ಗಂ – ಈರುಳ್ಳಿ ಗೊಜ್ಜು, ಚಪಾತಿ?
ಹೆಂ – ಈರುಳ್ಳಿ ಬೆಲೆ ಗೊತ್ತಾ? ಜೊತೆಗೆ ಈವತ್ತು ಗುರುವಾರ, ಮರೆತು ಹೋಯ್ತಾ?
ಗಂ - ಸರಿ, ಹೋಗಲಿ ಪರಾಟಾ ಮಾಡು
ಹೆಂ – ಅಯ್ಯೋ, ರಾತ್ರಿ ಅದನ್ನ ಯಾರು ತಿಂತಾರೆ ರೀ, ಜೊತೆಗೆ ಪಲ್ಯ ಬೇರೆ ಮಾಡಬೇಕು
ಗಂ - ಹೋಗಲಿ, ಹೋಟೆಲಿನಿಂದ ತಂದು ಬಿಡೋಣ್ವಾ??
ಹೆಂ - ಹೋಟೆಲಿನ ತಿಂಡಿ ತಿನ್ನೋದು ಒಳ್ಳೇದಲ್ಲಾರೀ
ಗಂ – ಮಜ್ಜಿಗೆ ಹುಳಿ, ಅನ್ನ?
ಹೆಂ – ಮನೇಲಿ ಜಾಸ್ತಿ ಮೊಸರಿಲ್ಲಾರೀ
ಗಂ – ಇಡ್ಲಿ ಸಾಂಬಾರ್
ಹೆಂ – ಅದೇನು ಅಂದ್ಕೊಡ ತಕ್ಷಣ ಆಗಿಬಿಡತ್ತಾ? ಸಮಯ ತೊಗೊಳ್ಳತ್ತೆ
ಗಂ – ಮ್ಯಾಗಿ ನೂಡಲ್ಸ್ ಮಾಡಿ ಬಿಡೆ, ಬೇಗ ಆಗುತ್ತೆ
ಹೆಂ – ಅಯ್ಯೋ ಹೋಗ್ರೀ, ಆ ದಾರ ದಾರನ ಎಳೆದುಕೊಂಡು ಯಾರು ತಿಂತಾರೆ, ಹೊಟ್ಟೇನು ತುಂಬಲ್ಲ
ಗಂ – ಅಯ್ಯೋ ನನಗೆ ತಲೆ ಕೆಟ್ಟುಹೋಗ್ತಾ ಇದೆ, ಈಗ ಏನು ಮಾಡ್ತೀ??
ಹೆಂ - ನೀವು ಹೇಳಿದ ಹಾಗೆ
ಗಂ – ಅಯ್ಯೋ ನನಗೆ ಯಾಕೋ ತಲೆ ಜೊತೆ ಹೊಟ್ಟೆನೂ ಕೆಟ್ಟು ಹೋದಹಾಗಿದೆ, ಉಪವಾಸ ಮಾಡಿದರೆ ಸರಿ ಹೋಗಬಹುದು, ನೀನೂ ಉಪವಾಸ ಮಾಡಿಬಿಡು.