ಇಂದಿನ ಅಡುಗೆ -

ಕರೋನ ಲಾಕ್ ಡೌನ್ ಸಮಯದಲ್ಲಿ ಮೊದಲನೇ ಮನೆಯೊಂದರಲ್ಲಿ ನಡೆದ ಗಂಡ ಹೆಂಡತಿಯರ ಸಲ್ಲಾಪ

ಗಂಡ - ಲೇ, ಇವತ್ತು ಏನು ಅಡಿಗೆ ಮಾಡ್ತಾ ಇದಿಯೇ?
ಹೆಂಡತಿ - ನೀವು ಹೇಗೆ ಹೇಳಿದರೆ ಹಾಗೆ
ಗಂ – ಅನ್ನ, ಹುಳಿ?
ಹೆಂ - ದೀನಾ ಇನ್ನೇನು ಮಾಡೋದು, ತಿಂದು ತಿಂದು ಬೇಜಾರು
ಗಂ – ರೊಟ್ಟಿ, ಪಲ್ಯ?
ಹೆಂ – ರೀ ಅದನ್ನು ಮಕ್ಕಳು ಎಲ್ಲಿ ತಿಂತಾರೆ?
ಗA - ಪೂರಿ, ಸಾಗು?
ಹೆಂ – ಅಬ್ಬಬ್ಬಾ, ಅದು ಹೊಟ್ಟೆ ಭಾರ ಆಗುತ್ತೆ ರೀ, ಕರಿಯಕ್ಕೆ ಎಣ್ಣೆ ಬೇರೆ ಇಲ್ಲ.
ಗಂ – ಈರುಳ್ಳಿ ಗೊಜ್ಜು, ಚಪಾತಿ?
ಹೆಂ – ಈರುಳ್ಳಿ ಬೆಲೆ ಗೊತ್ತಾ? ಜೊತೆಗೆ ಈವತ್ತು ಗುರುವಾರ, ಮರೆತು ಹೋಯ್ತಾ?
ಗಂ - ಸರಿ, ಹೋಗಲಿ ಪರಾಟಾ ಮಾಡು
ಹೆಂ – ಅಯ್ಯೋ, ರಾತ್ರಿ ಅದನ್ನ ಯಾರು ತಿಂತಾರೆ ರೀ, ಜೊತೆಗೆ ಪಲ್ಯ ಬೇರೆ
ಗಂ - ಹೋಗಲಿ, ಹೋಟೆಲಿನಿಂದ ತಂದು ಬಿಡೋಣ್ವಾ??
ಹೆಂ - ಹೋಟೆಲಿನ ತಿಂಡಿ ತಿನ್ನೋದು ಒಳ್ಳೇದಲ್ಲಾರೀ, ಈಗ ಹೋಟೆಲ್ ಎಲ್ಲಿ ತೆಗೆದಿರುತ್ತೆ?
ಗಂ – ಮಜ್ಜಿಗೆ ಹುಳಿ, ಅನ್ನ?
ಹೆಂ – ಮನೇಲಿ ಜಾಸ್ತಿ ಮೊಸರಿಲ್ಲಾರೀ
ಗಂ – ಇಡ್ಲಿ ಸಾಂಬಾರ್
ಹೆಂ – ಅದೇನು ಅಂದ್ಕೊಡ ತಕ್ಷಣ ಆಗಿಬಿಡತ್ತಾ? ಸಮಯ ತೊಗೊಳ್ಳತ್ತೆ
ಗಂ – ಮ್ಯಾಗಿ ನೂಡಲ್ಸ್ ಮಾಡಿ ಬಿಡೆ, ಬೇಗ ಆಗುತ್ತೆ
ಹೆಂ – ಅಯ್ಯೋ ಹೋಗ್ರೀ, ಆ ದಾರ ದಾರನ ಎಳೆದುಕೊಂಡು ಯಾರು ತಿಂತಾರೆ, ಹೊಟ್ಟೇನು ತುಂಬಲ್ಲ
ಗಂ – ಅಯ್ಯೋ ನನಗೆ ತಲೆ ಕೆಟ್ಟುಹೋಗ್ತಾ ಇದೆ, ಈಗ ಏನು ಮಾಡ್ತೀ??
ಹೆಂ - ನೀವು ಹೇಳಿದ ಹಾಗೆ
ಗಂ (ಉಗ್ರ ನರಸಿಂಹನ ಅವತಾರ ತಾಳಿ) - ಹೀ .... ನಾನು ಹೇಳಿದ ಹಾಗೆ ಮಾಡುತ್ತೀಯಾ ತಾನೇ?
ಹೆಂ (ಹೆದರಿ) - ಹೂ (ಗಂಡ ಅವಳನ್ನು ಅಡುಗೆ ಮನೆಗೆ ಎಳೆದುಕೊಂಡು ಹೋಗುತ್ತಾನೆ)
ಗಂ - ಇವೆಲ್ಲಾ ಏನು?
ಹೆಂ - ಗೋದಿ ಹಿಟ್ಟು, ತರಕಾರಿ, ಲಟ್ಟಣಿಗೆ.
ಗಂ - ಲಾಕ್ ಡೌನ್ ಸಮಯದಲ್ಲಿ ಈ ಲಟ್ಟಣಿಗೆ ನನ್ನದು. ತೆಪ್ಪಗೆ ಚಪಾತಿ, ಪಲ್ಯ ಮಾಡು, ಹೆಚ್ಚು ಮಾತನಾಡಿದರೆ ನನ್ನ ಕೈಲಿ ಏನಿದೆ ಗೊತ್ತಲ್ಲ
ಹೆಂ (ಹೆದರಿದ ಹರಿಣಿಯಂತೆ) - ಹೂ ರೀ

ಗಂ (ಮಧುರವಾಗಿ) - ಬೇಗ ಹಿಟ್ಟು ಮಾಡಿಕೊಡು, ಲಟ್ಟಿಸಿಕೊಡುತ್ತೇನೆ